Навучыліся танна разьменьваць помсту, Аплятаць хмелем лірыкі подыхі буры, I пяяць на дарогах чужых і ня простых, I выводзіць напеў залацістым ажурам. Навучыліся ў спрэчках патаківаць неяк, Забываць там, дзе лепей, сваё нават імя. I на чорных, ня змытых агнём юбілеях Струны перабіраем рукамі худымі. Толькі ўсё і дагэтуль яшчэ мы ня ўмеем, Можа, самага простага, сьмешна малога: Не глядзець там, дзе ў сонцы жыцьцё зелянее, I хадзіць на пяць крокаў адзін ад другога.
1938
|
|